好多客人都會覺得影張相，撳個掣，其實好簡單，撳掣當然簡單，但事前要準備、等候的工夫，和後期超大量工夫可能未必每個人可以想像得到。
記得拍這張相片後，客人問點解唔影多幾個角度，行過第二座都係十分鐘…..等等。
於是我便和客人解話了….
首先是拍攝的角度，要揀一個角度可以呈現到客人想見到的景緻，選擇樓層太高、太低，效果也有很大分別，所以揀好角度，就要嘗試能否成功夾相，因為屋苑很大，客人想見到的景物又很多，就算用11-24都影唔到，而且我自己不太喜歡用11mm這麼闊的鏡頭，上下或左右會拉長左，所以非必要時，都會少用，情願用移軸鏡夾相，這張相，總共夾了九張相，知道夾到，就是安排攝的時間。
由於屋苑是圓型的，而且樓層很高，大部份時間，陽光總會做成陰影在另一邊的大樓，而每一座的最佳拍攝時間(光源)都不同，興幸拍攝當日時有陽光，時而被雲擋著，放是我就在露台企左個多小時，等候和拍攝。
也由於屋苑仍未交樓，其實很多玻璃和牆身都做了記號，即貼了Label紙要工人留意等等，而拍攝時，工程仍在進行中，所以，有些開了的窗要執返，在露台和屋內工作的工人，和地面的工程車、工人要執走….所以後期先恐佈，而且拍攝時，同一個位要等一張是沒有人或車的，如果架車一直唔走，就要諗下在那兒拍些相似的，之後補返落去…..
整個拍攝由尋找位置到拍攝、後期所需時間絕對唔係撳個掣咁簡單，不過雖然看似麻煩，但其實我都幾享受整個過程，好似睇住自己個小朋友出世咁，不過最美中不足的是原本拍攝當日的天空，有很多雲，但客人不喜歡，send左個天要我換落去，係全部其它相都換這一個天，keke！
不過我們的工作，是要替客人解決問題和盡量配合他們的想法。
希望今次比較長的講解，大家可更認識我們的工作過程，下次再和大家分享多點工作的點滴！
LAWRENCETSANG.com 